zokhankhuo

KHIANGKAN KHUA TEN TUALGAL DOU

2009-12-30T04:19:00.000-08:00

khum lai (1817) hun lai in, khiangkan gam sung ah, (tangkun) a ci ki (khawl) mi nam te, a na teng vun, tu hun cieng a, hiangzang khua a teng (thadou) minam ten, khum mi khawl mi nam te a na sim vun, mun leh gam a na suan vua, a na ki pau sah ma ma vu hi. a sawt lou in, (ZOMI) te ten na, (SE TA KHUA) a na sim kia vu leh a na lel vun, se ta khua ten jong a na phu lah kia vun, a na sim kia vu leh, a na zou vun, seta khua hau sa pa in, a tu a ta te pawl khat, khum mi gam sung ah a na inn tuan in, a na teng vu leh, (1857) kum in,(hiangzang) khua ten no (khiangkan) gam pen, ka pu ka pa te vu sat sa mun leh gam hi ciin, a tu kia vu leh (khiangkan) ten zong, tua na ci tah tah vu leh, khua mi lip pasal zou sian, sun an pua ciat va vui in, ih gam gi vuh a hi,(tuiphu) dung lungkhup li gei ah, ki sat va vui in a zou pen pen in, khiangkan gam tang ta heh, a na ci vu leh, (hiangzang) ten zong, hi ven ciin a na thu kim vun, a gam gi vuh a hi, tuiphu dung lungkhup li gei ah, a na ki mu tua ta vu hi. khum bep in, a khua lam kai ciat gel vun, ki sat ki dou ding ih ma, ki dem ding ih hei ciin, a na ki kum gel leh, (hiangzang) khua hau sa pa in, (khiangkan) khua te a na ging a hi jieh in, bang bang hi leh, ki sat ki dou sih vai in, ki dem na khat bawl vai ciin a na gen leh, (khiangkan) khua hau sa pan zong, hi ta ven leh ciin a na thu kiim in, tua leh bang ci bang in ih ki dem diei? a ci leh, singkung gawl pen pen khat din lhum sang a, sang zaw in phua vai in, khum mi din lhum sang a sang zaw sing bul pi a kan ki dem va vui in, a kan zou pen pen in, (khiangkan) gam tang ta heh, ciin (hiangzang) hausa pan a na gen leh khiangkan hausa pa zong a na thu kim sawn sawn kia lel in, sing kung gawl a na sui kawi kawi vu leh, khiang sing gawlpi khat a na mu vun, khum mi khiangsing pi, din lhum in a na phua vun, a kan a na ki dem vu leh, (hiangzang) khua ten a na kan zou lou vun, (khiangkan) khua pasal hat ma ma khat in, a na kan zou in, a gam vuh a na nga kia vuh gen tham tha da, khum mi khiangsing bulh gawl pi a na kan zou jieh tawh, tu dawng cieng in, khiangkan khua a na ki ci den ta hi. khum bang teng tawh a na khua teng tou tou vun, (1930) kum in (FRANCE) piantit gam pan in, REV.FR.MOJESE a na tung in, PASIAN thu hing tang kou in, (1948) dawng a na om in, vuai ta a hi jieh in, ENGLAND gam pan in, REV.FR.JACKSON tawh mun a na ki khel gel in, REV.FR.JACKSON a na piang kia in, FRANCE gam pan in, REV.FR.JORDAN hing tung kia in, (1960)kum in kawl kum pi ten, a na nawt mang ta vu hi.

LAWKI LAI PUPA TE KIAL PULPI TUNG

2009-12-15T11:03:00.000-08:00

Lawki lai in, pupa te in, (tuikangpi) a na gal kai zaw vun, gam huai sia, gam sim tham, gamtu mang lai sung pi khat ah, a na ki phual vun, khua a na sat dap vua, khum mi mun ah, zomi sau,taw mi, leh sa hang, sa gilo a tuam tuam tam pi khat a na om in, a zau huai gam kuam pi khat a na hi hi. khum mi mun ah vang a hi leh, nek ding dawn ding om lo in, gil kial dangta in, a na ki phual dap vua, sing ga nam tuam tuam leh, na tang dawl, ai gai, ai tuai, tumlai,thangdawn, guatuai leh hakai te an in a na nei vun, khat vei vei sa leh nga man in, khum dan in gilpi a ding sui in, a na om vu hi. tam bang teng a na thuak zieh vun, (khai ci) mu ci hei sung ah, ih nga thei ding vuai ciin, a na ki kum kum vun, pasal ni in, (khaici) sui ding in, ni tum na lam zuan in, teipi nam sau leh thalpi tawi in, vai a kuan dawh ta gel hi. ni tum na lam ma naw in a pei pei gel leh, a ni (2) ni in, khua khat a gal mu gel a, tam mi khua te in, lo nei lo in om lo ding hi, a lo vuah pei dap vai in, khai ci khawp ding, la dap vai, ciin vai a hawm ta gel hi. lo a sui dap kawi kawi gel leh, a mu gel a, lo buk sung ah, a lut gel leh, koi ma om lo in, beem sung ah, (bu hum) ki kawi a mu gel a, khai ci cing khawp ding khat, a la gel a, a ki le kia ta gel hi. inn a tun kia zaw gel in, lo lho pai vun, khum mi khai ci a cing vua, a kum kia in, tangtha tung in, a na ki naam ta thei dawh ta vu hi. khum bang teng tawh hing nuam sa tou tou vun, lawki ngai na tawn dan teng, a na mang ngil pian pian kia vun, ki thawi na a na nei let zel vuh, phuisam ding ciang leh kithawi ding ciang a, sa a na gaw let na vuh, (gangaw) na mun ah, sa that nawn lo in, lawki pupa ngai na, dawibia phuisam ding leh gan gaw, sa gaw ding, mang ngil vun, a na om vu leh, a lo vuah, khai ci, an kung te si in, a na kial kia vua, a ta te zo sia vuh, gil kial in a na si sieng dawh ta vua, a khua gei vuah, han mual, si mual khat a na bawl vun, khum mi mun ah a na vui ta vu hi. khum mi a ta te vuh a na vui na mun vu pen, (TAHAN) a na ci vun, gan a na gaw na vuh, sa a na gaw na mun vu pen,(GANGAW) a na ci vun, tu dawng ciang in, (GANGAW khua) a na ki ci den in, a ta te a vui na vuh, TAHAN zong tudawng ciang in (TAHAN khua) ma a kici na lai hi.

PUPA TE PAP PUA LA IN ZOMI TE CI PUNG ZO LO

2009-12-08T02:53:00.000-08:00

Khum lai (mongolia) empire masang lai in, (mongolia)gam mi nam khat te in, (thailand)gam a na uk vun, khum mi (thailand)gam uk, lengmangpa tapa leh (PAGAN)gam uk ZOMI lengmangpa tanu, a na ki ngai gel in, a na ki teng gel a, a ki ten zaw gel kum(20) ding kim pawl in, thailand gam lengmangpa tapa in, a gi a na khul in, khum bep in (PAGAN)gam uk, ZOMI lengmangpa zong lungsa in, (thailand)gam ih sim ih do ding vu hi ciin, thu thang sah in, a na sim vu leh a na zo vun, kum(5) sung bang a na uk vun, a uk sung vun, sal in a na nei vua, a gam min na ngawn, a ta nu min pusah in, (SIAM)gam ciin, a ta nu min in a na khel hi. thailand mi ten (PAGAN) lengmangpa kung ah, PASIAN in bang ka nei ding vun, bang lim leh mel, ka bia ding vuai a ci vu leh, no haw ka tu te, ka ta nu sulu mai mai ciin, neu mu na leh lung thah na tawh, ka zang lim bia vun len, ka zang pasian in nei vun, ciin a gen a, khum zieh tawh zanglim a bia vun, tu ni dawng in zanglim bia pawl pawl, a om na lai vuh hi. thailand gam a uk, mongolia mi nam te, a zanglim a na biak sah zieh tawh, pap pua la in, ih ci pung zo nawn ta sih vua, mi nam neu pen pen in zong ih om suh suh dawh ta vuh hi. tam ci bang a thailand gam uk, mongolia mi nam te zanglim a na biak sah zieh in, mongolia mi nam te lungkim maw in, (PAGAN)gam a na sim a na do vun, a ni vei na in, a na zo mai mang dil del vua, pap pua la in, ih na cigam dih tah vu hi.

MONGOLIA GAM MI GALKAPMANG BURMA EMPIRE

2009-12-08T01:32:00.000-08:00

khum lai (AD-70)kum, hun lai pawl in (mongolia) gam pan in, galkapmang (BURMA) kici pa khat lamkai in pupa te gam (PAGAN) gam a na sim vun, a na zo dil del vuh, gen tham tha da, a na cigam dih tah vun, tu cieng dawng in, ih na ki taw suoh zo nawn ta sih vua, mi nam neu pen pen te leh, mici tawm pen pen te in, ih na om den dawh ta vu hi. khum a hi leh bangding a, (BURMA) a na kici a, ei ZOMI ten (kawlte)ih na ci vuh a diei? khum lai (mongolia) galpi masa ih na zo vua, ih tha la, ih mat la teng vuh, a na tai vun tu na ding, ki phuol na ding thei lo in, gamsie kawltawng kentawng, lah a na tu vun, gamhel kawlken lah a, a na ki phual zieh vun, ih pupa ten (kawlte) a na ci ta vu hi. BURMA a na kici na vang a hi leh, MONGOLIA galkapmang (BURMA) kici pa lam kai in, (PAGAN)a na sim tha kia vua, a na zo vuh a hi zieh in, a ma min a na pusah in, (PAGAN)gam in (BURMA)gam a na kici ta hi.

PUPA SATSA PAGAN GAM AH TUALGAL PI KHANG

2009-12-07T18:59:00.000-08:00

khum lai (AD) kum ki pat lai pawl in, pupa sat sa pagan gam sung ah, (mongolia) empire a na khang in, nasa tah in a na kisat a na ki do vun, a hi vang in ih pupa te vun a na zo vun, a mat zo teng vuh sal in a na nei vun, a mat la teng vun, om na ding, tu na ding thei lo in, gam sia, kawlken, hawkawm a na tu vun, a na ki phual vua, a sawt lo in, (mongolia) galkap te in, a ki phual na vuh, gamsia, kawlken lah pan in, a gam vuh a na zuan kia dawh ta vua, khum zaw kum sawm (1 decade) kim pawl ding in, a hing tang a, a mat vuh khum mi mongolia galkap te lah pan in, mi (2) a na tai dap in, mongolia gam ah, a na tung kia dawh ta gel a, ih pupa te tawn dan zo sia leh khuado pawi hun, zu leh sa tawh gualnop hun, leh ni teng zo sia a na thei dawh tagel a, khum bep in (mongolia) galpi khat vei tawh, a na kisa tha kia in, khuado ni ih pupa te guolnop lamtang kai lai tah in, nasa tah in a na sim dawh kia vu leh, a na zo vun, lo kuan vai tung ha, khuado pawipi lap la, innkuan thum a na sua ta vun, khum mi innkuan thum, teng zong tu na ding, thei lo in (ezawati) tuipi a na zui tou vua, tuhun cieng a chindwin a ki ci, tuikangpi leh meiteigun ki tun tua na gun khawm ah, a na tung dawh vun, ba khat sung khum mi mun ah a na om vun, tuikangpi galkai thei na ding lung a guol lai tah vun, a ma lam vuh a hi tuikangpi gal lam ah, gulpi gawlpi khat, a vah kawi kawi a mu vua, a lung neu ma ma vuh hi. a hi vang in gulpi gin zie thei lo, pasal khat a na om a, khum mi pa in gulpi tha thei na ding vai a hawm a, tuikangpi a galkai zaw vun, khum mi gulpi tha na ding in, gua pi leng sui hiem in, gulpi zawi ah so a sie a, a tung ah a zan puan phawipi zal in, gulpi in a mu cieng a, a khieh ding in a bawl ta hi. a gulpi hing pei in, a khieh pai leh a so sie teng in, sun pai let a, si pai nai pah lo in, tawn tawn in, tu hun cieng a (zazu khua) a ki ci (bunglung) khua gei ah si in, mualpi khat in a pieng a, gullu mual ih ci ta vuh hi.

PUZO MI LUI PIPA EGYPT GAM PAN IN GAMMANG

2009-12-02T09:13:00.000-08:00

Khum lai (BC) hun lai in, puzo suan, khang lui ih pupa te vun, (pagan) khuapi a na sat vun, kum sau pi sung a na uk vun, kawl te in ei na sim vun, ih na ci gam dih tah vua, inn kuan thum a na suah ta vun, khum mi inn kuan thum teng in, a ki gal gin na vun, be leh phung a na phua dawh ta vuh hi. bangding a (pagan) khua cia min a na vaw vuh a hei ih ci leh, puzo suan te ih pian na vuh, guol lui mi, mi lui pi pa, ih pu pi pa vuh in, (EGYPT) gam (pagan) dynasty hun lai in, (pagan) dynasty galkap khat a na hi in, a gal sim na mun pan in, gal lel in a na gam mang in, EGYPT gam a na zuan kia thei nawn lo in, zan lai cieng in sing dawn ah gieh in, zing ni sua cieng in, ni sua na lam zuan in a na pei pei leh, (china) sen gam tibet a na tung in, tibet ah kum 10 sung bang sal a na tang in, tibet dynasty pa ta nu in, a na dei gaw in, a na ngai a, a sawt lo in, a na ki teng gel in, ta pasal 7 leh ta numei 3 a na nei gel in, khum mi ata te teng in, gi leh pasal ang nei sieng zaw vun, a sung te a hi, tibet dynasty gam nei te tawh a na ki tuah maw dawh vun, khua tha gam tha sui in, atu ata te teng zo sia tawh, (PAGAN) khua a na sat vun, EGYPT gam (PAGAN) dynasty a mang ngil thei lo jieh in, (PAGAN) gam (PAGAN) khua ciin min a na vaw hi. a ma vang a hi leh pasal mel hoi pi khat leh pasal tha hat ma ma khat a na hi in, siem na nei pasal pi cing khat jong a na hi hi.

TANU GINTAH ZAWLGAI

2009-12-01T14:09:00.000-08:00

leitung bup ih ZOMI te in, ih om na ciet vuah organization kipawl na, ih nei ciet ta vua, khum mi organization te lu tang ding in, lam kai, makai (leader) khat ciet ih nei vua, khum mi lamkai pawlkhat te vang a hi leh, ki pil sah lua, ki tei sah lua vun, ih minam te neisa lamsa te, du gaw suh suh vun, gil kial lo dang ta lo pi pi in, a gawng san vuh a, sazaw Aa sa du gaw bang in, zum maw, gawng san vun, a gil bual dawh ta vuh hi. malaysia gam sung a om, lamkai pawl khat haw vang in a hi leh, ih ZOMI te a na zua dawh ta vun, bang a ci zua vuh a hei ih ci leh, MZO kipawl na sung ah, UNHCR lut thei na ding in, min ki pia a, UNHCR ten min sajean tawh senior nambat a lhat cieng vun, MZO makai ten, minam dang te kung ah a na zua dawh vun, ih mi ih sa gam dang tung nuam a, UNHCR lha ngai a tam pi khat, a lung tup na vuh tawh ki pel in, lung zawng lung neu, lung zuang lha sia a om, tam pi khat a om dawh ta vuh hi. tam bang lam kai te khu, lamkai hoi le lamkai picing a hi thei diei ma? Organization khat po po in, lam kai ih tel ding cieng in, gam leh minam it te leh, sum leh pai a nei zaw dom te, tel thei vu lei ih minam ei mapui zo pan ding in, ka lam en hi. pil na nei lian te beh in, ei ma kai cieng vun, sum leh pai a ki ta sam thei vua, a gawng san thei vu hi. khum jieh tawh, tanu gintah zawl gai lo ding in, lamkai (leader) hoi ding gel siam ciet va vui.

ZOKHANKHUO IN ZOVAPHUAL HI.

2009-11-24T17:43:00.000-08:00

it leh ngai PUZO suan ZO tate aw, ZOKHANKHUO ih ci pen, bang a hei ih ci leh, ki it na leh ki ngai na a na hi in, ei mi pawl khat te vang in a hi leh, nei ta zong te, a hi sih leh, a pu te siel a khum zo te, a hi sih leh be leh phung hoi tah a, a kan tel siem te beh, ZOKHANKHUO zui leh ZOKHANKHUO thei ciin, a na pi mu vun, khankhuo a na tel khiel dawh ta vuh hi. ZOKHANKHUO ih ci pen, guol lui lai ih pupa te vun, (vaphual) te nupa ki it ki ngai na, lim leh mel a na et te vun, ZOKHANKHUO in ZOVAPHUAL te nupa pan sa a, a na lah dawh vuh a khang a khang a, et te thei den ding ki it ki ngai na, khankhuo a na hi hi. khum a hi leh ZOKHANKHUO in ZOVAPHUAL hi lo ding a mah? guol lui lai pupa te in khang sawn sawn te a khual na vu tawh a na lah sa vuh, VAPHUAL te nupa tangthu khu, hoi tah in kan siem kia lei, khan khuo hoi tah tah ki it ki ngai na thu a hi a, ei siem PASIAN in jong a dei pen pen thu bul pi khat a hi.

Aa BU LO KAN GAMMANG LAI PE

2009-11-02T18:28:00.000-08:00

ih pu ih pa te vun, Aa bu lo kan gammang lai pe cia pau na, a na nei ma bang vun,ih ZOMI sung a, a na pil deuh leh a na ki teei deuh pawl khat ten, ih minam a ding leh, ih gam a ding aa, lai tang nat na tah tah tawh, thu lai gil thu, gen dap khat a op leh, khum mi thu sim tham gen dap pen pen te, ih kam teng pen, mi nam dang te kung ah, a na ki gen dap kia pai in, Aa bu lo kan gammang lai a pe dawh ta hi. bangding in lah, be leh phung ki khop na mun ah, kam leh ham ki bah pi lo, SIM te leh THADOU te haw kung ah, pawl khat te in a na kam te kha dawh vun, ih thu sim zo sie vuh, minam dang zo sien a na thei dawh vun, ih mi nam vuh a neu suh sem sem dawh ta hi.

TAGA ZOGAM KAP KAP

2009-10-31T16:39:00.000-07:00

Aw, taga ZOGAM nang beh ma ka hing ngai a, ka lung dei teng ki cin na, na hi. se sum dollar min thang gam ah, lai tual nga bang ka lam jong in, nang bou ka hing ngai hi, ZO lei gam nuam, zothang mual dawn vum cin teng ah, neisawh pa leh hei lai dum leh sahei pa te, et in lawm e, zo lawta tau in ZO kuam thawn e, sang sul khal na, mual leh guam teng ah, zolengthe khuang, gam khi sa ham, gual dawng nau awih nou aw, sin lai lung ah, ngil ni a om thei lou e. zo dam tui dap tui dung cin teng, zo hei sa pa gim nam tui aw, nang bou hing nam nuam ing. zo thang mual dawn, ngaukhovum leh mual le lhang cin teng aw, gal khuo dawn ing, dawn ciim thei sing e, a mual za tam leh a tui za tam hal na gam pan, hing siel siel ing, hing siel ciim thei sing. aw taga ZOGAM , na zei la awi te, ken lah tong hing dawng thei nai lou aa, zei la na awi awi vang in, kon lah na tong hing sang thei nai lou aa, na tongdam nau bang in, a hing sang thei ding vuh hi leng, na lel nuam sim thu te, thu gil la gil leh, lai tang nat na ding a hi sih le jong, lung zuan lung len, gil kiel dang ta na khat a hi kha diei maw? aw ZOGAM ZOLEI lel lel lai in, awi awi lai in, zua SIEN MANG in, hing guol guol ding aa, na lung tup tui bang, a tun thei na ding in, ka hing he nem na ding vu hi. kap kap nawn sin, tun nu ning man nawi zu tawh, khang dawh ka hi lam vuh, ka hing thei na ding vu hi. ZOLEI tang bang na dam lai aw maw? keima na ta pa K.L.MUNG

zokhankhuo: THOU IN, Aa THUM KHUANGTA

2009-10-30T18:34:00.001-07:00

zokhankhuo: THOU IN, Aa THUM KHUANGTA

2009-10-30T18:34:00.000-07:00

zokhankhuo: THOU IN, Aa THUM KHUANGTA

BE LEH PHUNG JIEH IN ZOMI TE KIKAL AH SIELPI THAWL

2009-10-30T17:31:00.000-07:00

It leh ngai PUZO suon leh lhah ZOMI te aw, BE LEH PHUNG ih ci pen, pa khat lhah leh nu khat sung kuon a na hi bou aa, khum ma bang in, ih kam leh ih ham jong, nam khat beh ma a na hi hi. be leh phung ih ci pen, khang khat pan khang khat, a na ki sim suh suh na, ih pu ih pa te vu min a na hi in, kam leh ham vang a hi leh, khum lai (BC) hun lai aa, ih pu ih pa sawn sawn te vun, (babel) taau sang pi a na lam lai vua, ei siem PASIEN in ei na khen pieh dawh sa vuh hi in, khum ma bang in, kam ham nam khat in, mi nam khat cia, a na khen sa hi in, kam leh ham a ci nop na in, minam khat a ci nop na a hi hi. ih ZOMI pawl khat te in vang a hi leh, a kam ham tawh minam a hi lam vuh ki thei kha lou vun, be leh phung tawh minam a ki sa vua, pawl khat te vang a hi leh, a biehna leh a pawlpi beh thu pi sah in, mi nam a hi na, a kam ham zaw khu, pam pai dawh vun, be leh phung a ki bah pi, kam pau dang a zang, mi nam dang te zaw, a it a ngai zaw vu hi. be leh phung ih ci pen, bang ci bawl ding a hei ih ci leh, be leh phung ih ki bah pi mi nam dang jou sie kung ah, (missionary) tawh, pawl sui in, a hi sih leh mi nam sui nan nei in, be leh phung ih ki bah pi, mi nam dang te kung ah, ei be leh phung pen, ZOMI nam ih hi cieng vun, bang bang hi leh, ZO kam leh ZO ham ma thupi sah vai ciin, kam dam aw nem nou nou tawh va pawl bawl kawi kawi in, ZO ham ang thupi sah thei na ding vu leh, ZO kam tawh ang ham thei na ding vun, (missionary) tawh va vah kawi kawi ding hi zaw hi. ih biehna leh ih pawlpi pen a hi leh, PASIEN tapa JESU in, lei tung mi hing te, singlamte (CROSS) tung ah, ei tan khie ta, cia a sang jou sie khu , PAWLPI khat ih hi ta lel vu hi. khum a hi leh tu ni in, na gam leh na kam leh na nam a ding in, bang naa na sem dawh tai?

zokhankhuo: BEE LEH PHUNG JIEH IN ZOMI TE KI KAL AH SIELPI THAWL

2009-10-25T19:03:00.000-07:00

zokhankhuo: BEE LEH PHUNG JIEH IN ZOMI TE KI KAL AH SIELPI THAWL

SIEL SI NUA A SIEL THAW GEEN

2009-10-25T17:33:00.000-07:00

hunleh ni te hing bei bei ding aa, kawlgam sung ah, gaalkap (military) uk na, a hing ki khel ding aa, democracy tawh ki uk na hun hoi hun nuom, ang tun chieng in, ZO kaam leh ZO haam, a mai mang thei kha ding hi ciin, pa taau huoi ma ma ta hi. bang ding a hei ih ci leh, kawlgam ah DEMOCRACY tawh ki uk na hun nuom hing tung leh, minam zo sia in, gam (STATE) ih dei ciet ding vua, ei mi zawng, mi maw, ZOMI te in, gam leh lei nei lou in, minam dang khat khut nei ah, ih om sawn sawn thei kha ding vuh hi ciin, lung len, lung zuon a huoi ta hi. bang ding in lah? minam dang te khu, DEMOCRACY hun tawh ki uk na ngah in, thau tang thau vui tawh, gam sung ah bu saa in, a bai sa (ready) sa in, a om zo ta vua, ei ZOMI te vang a hi leh, bee leh phung leh pawlpi tawh, ih buai buai na lai vuh hi. tu leh tu in ki ngai sun ciet ta vai, hun leh ni in, ei ngah nawn lou ding hi, ih ZO kaam khat beh tawh ki thu khat in, ih minam leh ih gam a ding in, siem ton ta va vui, sielsi nua in siel thaw geen sih vai, ZOMI tangval, na khang dawng hun hoi sung in, na gam leh na minam a ding in ki pie dawh in. lei leh van ah talent hoi a hi.

TUIPI NEMNEM LUANG (9) TAAI

2009-10-23T12:10:00.000-07:00

Guollui lai ih pu ih pa te vun, tuipi nem nem luang (9) taai ciin, pau na a na nei vu hi. khum ma bang in, ih gei gei na, ih len len na ah, lung nem chiet thei lei, guol zaw na, ih nei thei ding vua, ki let sah na , ki phat sah na, lungsim te ih nei chieng vun, khat leh khat ki mu da na, ki huat na, ki pam pai na te hing pieng in, inn sung ah, nu pa sung ah, lawm ta kikal leh, ih minam sung ah, buai na, ki khen thang na te a na om dawh ta hi. lungnem na in, guolzaw na, a hi gen tham thada, PASIEN in a dei pen pen sil khat zong a na hi hi.

VA AK UTONG IN KI LHEM DAP

2009-10-23T11:43:00.000-07:00

Va ak utong ki nei dan thu ih thei chiet vua, va ak utong ki nei pen, mai zum a huoi seng sih aa, utong va ak ki nei ding pen, thupha maw, thukhawh tah leh, thupoi maw tah tah khat a hi. nang lah bang na ci ngai sut ei? keimu na vang ah a hi leh, ZO hi na pi a, ZO haam leh ZO kaam, zum pi aa haam dang, pau dang a zang te khu, va ak utong ki nei hi lo zaw in, utong va ak ki nei a hi zaw vuh hi, ciin thei siem chiet vai.

MAN NEI NA HI LAM TAH KI THEI SIEM IN

2009-10-23T10:57:00.000-07:00

Bangding a, tuni dawng chieng a, na man nei lam, ki thei kha nai lo ne? ngai sun siem chiet vu lei, guoltung tuong thei na lai va vui. zing ni no te a mawk na in a suoh sih a, ih tung sun ni zong a mawk na in a tum sih hi, zing ni no ang suo chieng in, lung guol hoi leh, ngai sut hoi nei ten, law cin na, maipha nga na, minthan na, guoltung tuon na te, a nei vua, bangma lung guol jie nei lou te haw vang a hi leh, dana kana leh, maizum na leh, gilkiel dangta na tawh a ki dim dawh ta vuh hi. na leitung hinkhuo leh, na leitung nuntat na khu, na sazuh kii puoh sih po la cin, khan tou na, khan guol nu, khan guol pa, nua phah na, na nei na ding hi. lungtup hoi nei inlen, na lungtup na, na mualsuo dawng in, lungkie lou, lungneu lou in, manaw diingdeng la cin, na lung tup, na mualsuo zo na ding hi. khumjieh in, hun leh ni te, manpha sah in, mi mal khat in, khantou thei na ding, lungtup hoi khat ta, nei thei chiet vu lei, ih inn sung, ih lo ma leh ih minam leh ih gam ih lei a ding in, khan tou na ih nei thei pan ding vuh hi.

ZOGAM ZOMI LEH ZOHAAM THU

2009-10-23T08:13:00.000-07:00

Bang ding aa, ZOMI leh ZOHAAM sang aa, ZOGAM u zaw a diei? ci thu tawm khat ih gen nuom a, (piancil) laisiengtho sung te ah en lei, PASIEN in a ma sa in, van leh lei a na siem masa in, khum ban ah, mihing a na siem kia in, mi masa pen pen a hi, pu (ADAM) a na siem jou in, kaam leh haam a na siem dawh kia in, kaam leh haam nam khat lin lian pan in, (BABEL) taau sangpi a laam lai tah vun, kaam leh haam nam tam pi in a na khen dawh kia in, ZOMI Leh ZOHAAM ei na pie dawh ta aa, ZOGAM zong ei pieh sa hi in, ih ZOGAM vuh ih na uk thei lou jieh vun, bap pua la in, ZOGAM ih na nua sie dawh ta vua, tu dawng chieng ZOGAM ZOMUN nei lou in, ih om ta vuh hi. piancil (laisiengtho) sung te ah en lei, gam leh leitaang pen PASIEN in a na siem masa zaw a hi jieh in, ih gam thupi pen pen sa ing, gam leh lei omlo in, mihing te ih nungta thei sih vua, ten na ding mun leh mual leh khuo leh tui jong ih nei thei sih vuh hi. ih ZOMI pawl khat te in vang a hi leh, a mi nam beh it in, a hi sih leh, a bee leh a phung beh it in, a hi sih leh, a biahna leh a pawlpi mite beh it in, a hi sih leh, a khuapi a tuipi mite beh it in, a gam a lei a ding in it na them khat bek a nei thei nai lou, ih ZOMI pawl khat ih om lai vuh aa, da huai kasa mama hi. ZOGAM ih nei nai sih vang in, pawl khat in, kawlgam ah ih om vua, pawl khat in, india gam ah ih om vua, ih om na mun chiet vuah, pek khat pek ni ih nei sun sun vuh tawh, minam dang te inn mun logam, lei thei vu leih, ih mun ih gam ma ang suoh thei ding aa, ni khat ni chieng in, ZOGAM ma ang suoh lel ding hi. tam bang a, gam leh lei ih kek kek sih vuh leh, thu dang tawh ki kek thei nawn lo in, nidang lai pupa te hun lai bang in, teipi, naamsau leh, thagum thatang hat na tawh mun leh gam kisui thei nawn lo, ki kek thei nawn lo hi. gamdang a tung a, na sep senpi a, sum pek khat pek ni a khawl thei te in, minam dang te, inn mun logam tam bang in lei thei leih, ZOGAM a it leh a ngai khop lo leh ZOGAM leh ZOMI khang sawn sawn te ding a, na a sem sem te ih hi ding vua, PASIAN mai ah maipha nga talent hoi nei mite ih hi ding vuh hi. na minam leh na kam ham it na tah tah tawh, na gam a ding a, na sep tah tah leh PASIAN in, khum bang na sep na te, a hing mang ngil vawt sih ding hi.